Circus Maramber

Circus Marember - Manege frei für den original Bündner Circus Maramber.
Vor an huufa Johr, also im 2018, sind miar mit ama schwizer Circus mitgreist. Ab denn het üs der Circusvirus packt und nümma los
loh. Us ama Witz isch plötzlich ernst worda und us am ernst der Circus Maramber. Miar hend bi null agfanga. Z’einziga was miar kah
hend isch, an hufa Ideea, a blüahendi Fantasie, an erstunlicha Optimismus und ganz vill Muat. So ganz noch am Motto, no Risk no
Fun…
Doch denn isch alles ganz schnell ganga, z’Circus Zelt hemmer vo Dütschland gholt… Vo überall hend miar alti, usgmusterti Ahänger,
Ufliger und Fahrzüg zemmakauft und hend dena Rosthüfa neus Läba ighucht. Mittlerwila hemmer an stattlicha Wagapark, wo sich zeiga loht…
Der Black Rusti het sini besta Johr au schu hinter sich, doch jetz mit am neua Astrich, loht er üs nia im Stich…
Wo miar denn alles zämma kah hend, hemmer nüt verpennt und sind mit allem drum und dra uf Chur aba grennt. Der Wiahnachts Circus Maramber het zwar no niamert kennt. Jedoch het üs das nit gross gstört, will miar hend uf d’Südostschwiz gschwört. Denn hets an Rumpel geh. Plötzlich hend üs alli kennt und hend üs d’Hütta igrennt…
Denn isch denn leider Corona koh, so hend au miar müassa d’Manescha für langi Ziit verloh. Langwila und ummastoh, naai das isch für üs nia in Frog koh. So hets denn glich no der eint oder ander Waga geh und as isch worda immer meh…
As gäbt no so vill z’verzella, miar würden au, so gära wella, doch jetz ischs Ziit üs geg Corona z’stella.
Also, wenn Bock uf Circus hesch, denn bisch für üs eh der Bescht.
Villa Dank und verzells am ganza Rescht…